**అమీన్పూర్లో ఎస్టీపీ నిర్మాణానికి వ్యతిరేకంగా భారీ ఆందోళన – ప్రజల డిమాండ్కు ఎమ్మెల్యే ఒప్పుకోలు**
అమీన్పూర్ ప్రాంతంలో నివాస ప్రాంతంలో ఎస్టీపీ (సెవేజ్ ట్రీట్మెంట్ ప్లాంట్) నిర్మాణానికి వ్యతిరేకంగా అమీన్పూర్ పీపుల్స్ అసోసియేషన్ ఆధ్వర్యంలో భారీ స్థాయిలో ఆందోళన జరిగింది. ఐటీ, ఫార్మా రంగాలకు చెందిన ఉద్యోగులు ప్రధానంగా పాల్గొన్న ఈ నిరసనలో 5,000 మందికి పైగా ప్రజలు పాల్గొన్నారు.
నివాస ప్రాంతంలో ఎస్టీపీ నిర్మాణం వల్ల ఆరోగ్య సమస్యలు, పర్యావరణ కాలుష్యం ఏర్పడే ప్రమాదం ఉందని స్థానికులు ఆందోళన వ్యక్తం చేశారు. ఈ నేపథ్యంలో ఎస్టీపీని నివాస ప్రాంతం నుంచి తక్షణమే తరలించాలని వారు గట్టిగా డిమాండ్ చేశారు.
ప్రజల ఏకగ్రీవ పోరాటం, నిరంతర ఒత్తిడి ఫలితంగా స్థానిక ఎమ్మెల్యే ఈ అంశంపై స్పందించి, ఎస్టీపీని నివాస ప్రాంతం నుంచి మార్చాలని ప్రజల డిమాండ్ను అంగీకరించినట్లు తెలిసింది.
ఈ విజయానికి ప్రధానంగా అమీన్పూర్ పీపుల్స్ అసోసియేషన్ కృషి కారణమని స్థానికులు అభిప్రాయపడ్డారు. అసోసియేషన్ అధ్యక్షుడు అప్పుల తిరుమలరెడ్డి, ఉపాధ్యక్షులు విష్ణువర్ధన్ రెడ్డి, సంపత్, కార్యదర్శులు నరేష్ నాయుడు, విష్ణు, రఘు, సరిత, యశోద, వెంకటకృష్ణ మరియు ఇతర కాలనీ సభ్యులు ఈ పోరాటాన్ని విజయవంతంగా ముందుకు నడిపించారు.
ప్రజల ఐక్యత, సంఘటిత శక్తి ఉంటే ఏ సమస్యనైనా పరిష్కరించవచ్చని ఈ ఘటన మరోసారి రుజువు చేసింది.
అమీన్పూర్లో ఎస్టీపీ నిర్మాణానికి వ్యతిరేకంగా భారీ ఆందోళన – ప్రజల డిమాండ్కు ఎమ్మెల్యే ఒప్పుకోలు
